ZOU SANGNAUPANG PAWLPI, SHILLONG BRANCH KHANGTHU

ZOU SANGNAUPANG PAWLPI, SHILLONG BRANCH KHANGTHU

Kum 1970 masang lai pan in eimi sangnaupangte lekhasim in Shillong khopi ah na ki omta a, hinanleh, mi duthusam bang a tamlou ahizieh in, Pu Nehkhojang lamkaina nuoia na kiphut Eimi Students’ Union ah na ki om hi. Nam tuomtuom; Kuki, Paite, Zou, Vaiphei, Simte leh adangdang ham kitheituo teng tammi ah na ki om khawmchiet hi. Ei(Zou) te zong panmun poimaw tahtah na kitu hi.Pu Gengoukhup Mate(1975-76) leh Pu Michael Ginzasuan(1976- 78) te’n ESU ah President hina na tu khatuoh uhi.

Kumchin a mi pung semsem ahina ah Zou te zong hun khop ki-omta ahiziehin, nopni-dani chieng ki uoppi tuo ding mi ki-omta chi’n Pu Kapkhanthang @Kapmeng, Manager, Bank of India lamkaina toh Pu Kapmeng Inn, Laitumkhah ah February 14, 1983 ni in Shillong Zomi Sangnaupang Pawlpi phukhiet in om hi.President ding in Pu Thangngaimang, Secretary ding in Pu Tuolminthang leh Treasurer ding in Pi Ngaikhanching te guot uhi. Lamkai poimaw ZSP Shillong phukhiet a tel khenkhat ahileh; Pu Gouchinlian, Pi Hahat, Pu (L)Thangzangam, Pu (L)Letkhankap, Pu Tuolzamang, Nurse zilte leh Sangnaupang khenkhat ahi.Tami kum ma in Annual Meet zong na nei ua, Chief Guest in Mrs.C. Doungel pang hi.Tami ZSP Shillong ana phuna ziehuh tangpite ; 1.Nopni-dani a ki-uoptuo ding 2.Zouham leh Zou Ngainate kepbit ding 3.Unau khat kitheituo loute kithei tuona ding 4.Siemzilna suhhat semsem ding leh adang tampite ahi. Bank of India ah Bank Account khat Shillong ZSP min in na hong ua, tuakhu, Shillong ZSP van(property) nei masahpen leh khangthu suutna omtheisun ahita hi.

Shillong ZSP Lamkai I theiphah leh I khopthei sun tahlang vai

Year President Secretary

1983-1984 :Pu Thangngaimang Pu Tuolminthang

1984-1985 :Pu Thangngaimang Pu Tuolminthang

1986-1992 :All Zomi Students’ Association a om hun.

1992-1993: Pu Luoizalal Pu Tonglal

1993-1994: 1.Pu Kamhau 1.Pu Hauneu Lhungdim

2. Pu Daiminthang* 2.(L) Sienzamang*

1994-1995: Pu Daiminthang Pu Kapmuonthang

1995-1996 :Pu Daiminthang Pu Thanglianmang

1996-1997 :Pu (L)Lianmuonthang Pu Khaiginlian

1997-1998: 1.Pu Vincent Thanglianmung 1.Pu John Kap

2. Pu Geogre Munluo* 2.Pu Richard Lianno*

1998-1999: Pu Daiminthang Pu Pauchinhang

1999-2000: Pu Ignitius K.Tungnung 1. Pu T. Zamlunmang 2.Pu Soizagin Manlun*

2000-2001: Pu M.Thangkhanlun Pu Thangkhanmuon

2001-2002: Pu M.T.Mangboi Pu Ph.Kapsuonmung

2002-2003: 1.T.Khaisuonkhup Pu Ignitius K.Tungnung 2.Pu Paulianthang Manchong*

2003-2004: Pu Lawrence Khenmang Pu M.Khamlianlal

2004-2005: Pu Thongzakhai Pu S. Thangboi Zou

2005-2006: Pu S.Thangboi Zou Pu Khaibiaklian

2006-2007: Pu Aaron Muanthang Pu Khupmuonpau

2007-2008 :Pu Samuel K.Tungnung Pu S.Joel Lianmang

2008-09 Pu S. Thangboi Zou Pu James thangboi

*Tamte khu elected te lemtanlouna zieh a Acting a pote ahi uhi.

NB : - 1983 – 1998 tan record bu a umlouzieh in gelkhiel gelkhalou a umleh ki ngaidam vai in kitheisah vai suhdih kia ding in.

Tualeh, kum 1992 kum in Shillong ZSP siemthahna(Reforman tion) bawl ahi a, tami hun a kipat in Zou sung ah nopna leh dana hun ah ZSP in mawpuohna leh innteh hina la hi. Nu-le-pa te in zong pawldang omtuon lou ahiziehin thuop(Panpi) zing a, tuni chieng dong in hattuom leh pawlpi dang om nanleh Nu-le-pate kithuopina toh ZSP in tuni tan in shi-le-man, da-le-ka, kipahni in apoimaw dungzui in panla tou zel hi.

ZSP/SB Khangthu Chiemteena

1983 masang :’ Eimi Students’ Union’ a om hunlai

1983 : Shillong ZSP kiphu khiet kum

1986-1992 : ALZOSA a ki pawlkhawm hunlai

1992-1998 : Zou Sangnaupang Pawlpi chia kipuoh hunlai

1998-2007 : ZSP General Head Quarter deina bang a Zomi Sangnaupang Pawlpi chia kipuoh hun

2007 - …. : ZSP GHQ Zomi pen Zou chia kihen dungzui in Zou Sangnaupang Pawlpi chia hen ahikia hi.

Nasepdan Tangpite

1.Freshers’ Social cum Annual Conference :

Kumchin in hun lemtang masa ah melthahte vaidawnna hun leh

Kipawlkhawmna/ khawmpi a zang in hun anopthei bangpen leh kisuhhalna a zat

ahi.Tamnah, Chief Guest,Guest of Honour ,Functional President leh Student lamkai

poimaw tahtahte chiel ahizel banah, Meritorious Awards, Good Samaritan Awards leh

ZSP/SB lamkai telching thahte kichiemna(Swearing) zong nei ahi.

2.Annual Sports Meet :

Sports Secretary lamkaina toh Kumchin in Nu-le-pate leh Student te

kisuhlimna ding in Soprts bawl ahi a,tuanah, Group tuomtuom a kikhen in kitaidemna chitampi bawl ahi.

3.General Election :

Kumteng a kiteelpina nei zing ahia, tuannah, kum khatsung ZSP/SB vaipoding member ten teelna nei ahi.

4.Career Guidance and Counselling:

Tammi khu Education Secretary saina nuoi ah Sangnaupangte khuolna in bawl ahi. Study Tour/Excursion zong a poimaw bang leh ahun bangzel a bawl hi.

5.Meritorious Award :

Tam khu Siemzilna leh lam tuomtuom a sangtah a lawchinna ngate kung ah Patawina leh Kipahpina in Education Secretary tungtawn a, Annual Meet chieng a pieh khiet ahizel hi.

6.Good Samaritan Award :

Tami khu mitawm ngaite kung a pieh ahia, adieh in damlou sisan pete kung ah Patatna leh ettontah latsahna in piehkhiet zel ahi.

7.Social & Culture ah:

Doordarshan Kendra ,Shillong leh Guwahati ah Pupa laam(Cultural Dance) khum in ana um hi. Tualeh, All India Radio, North East Shillong ah fundraise na ding in Pupa laa(Zou folk song) khum in ana um hi.

8.Sakhuo Lamah :

ZSP/SB in sakholam zong ngaikhohna lienpi nei in, a hun lemtang ah Worship Service Proramme khu Moral & Religion Secretary mapuina toh nei ahizel hi.Tuachi’n 1994 apat in “For God and the Community” chi ZSP/SB thupi a zang in innchin veena, Home Crusade, Crusade te ana peipi touzel uhi.Tuachiin, Zouta Shillong khopi sunga tengte munkhat a kikhopkhawmna ding deina in Rev.L.Taithul Inn, BSI, Laitumkhrah ah 1997 in Zou Inkuon Fellowship(Z. I.F.) chi phukhiat in ana um hi.Tualeh, kum 2002 in Z.I.F pen Zomi Worship Service(tua, Zou Worship Service) chi in heng ana hi hi. Tu’n Pasian ompina zal in Zou Presbyterian Church, Catholic (Zou) leh Manipur Evangelical Lutheran Church , Shillong te ah Pasian Biehna tuomtuom eima Zokam in neithei ahita hi.

Tualeh, a kul leh a poimaw dungzui in Advance Christmas zat ahi zel hi.

9.Sum leh Paai ah :

ZSP khu Sumnah neilou ahziehin nu-le-pate kung ah Annual Conference fund leh Student te kung ah Annual fund don ahia, ahun bangzel in Fund Raise zong bawl ahi.

10.Thu Kizahna News :

Shillong ZSP thu kizasahna ding in Kum1994 in Suldap Timely News chi bawlkhiet ahia, tuachiin, kum 1994 in Zoheisa chi a hen in om hi. Tua khu, apoimaw bangzel a suokhiet ahi.

Annual Report (2007-08)

Kum 2007-08 sung a nasep khiette anuoi abang in tahlang vai.

1.Cherra Tour :

Shillong ZSP saina nuoi ah nu-le-pa leh sangnaupang tampi tah toh October 23, 2007 ni in Bus khat dimlet zeen in Cherrapunjee ah mun thupi leh mun minthang deudeu etna lawchingtah in kinei hi.

2.Zou Laiteng Saipawl toh Kikhupkhawmna :

Zou Laiteng Saipawl(Zou Script Development Society) lamkai Chairman Pu. Siahzathang leh Joint Secretary Pu. Nengchinlam te toh Shillong ZSP lamkaite’n houlimna leh maban Zou Laiteng puophat ding dan thu October 26,2007 ni in Pa Gouchinlian Inn, Lower Nongrim ah nei ahi.

3.Itna Annkuong :

Silver Jubilee Fund suina ding in Pu. Khupminthang Inn, Happy Valley ah mi muonhuoi leh Nu-le-pate hankhawm in ‘Itna Ankuong’ luina November 4, 2007 ni in lawchingtah in bawl ahi.

4.Ngasa Zuahna :

Silver Jubilee fund suina ding in Zou Inn lusun ah Ngasa(Fish) zuahna May 12 & 13,2008 sung nei ahi.

5.Zoheisa News :

A poimaw hun leh a lemtaan dan zil in thukizahtuona News ‘Zoheisa’ suodoh zel ahi.Tualeh, Silver Jubilee Souvenir(Zoheisa Special Issue) zong Jubilee Celebration ah suodoh ahita hi.Tualeh, Pu Thangzabawi in Souvenir bawlna beiteng ang sensahna tung ah lungdam thu I gen uhi.

6.Damlou Sisan Pieh :

Damlou sisan tasamte mi tawmngai leh mi kiphalte zal in Shillong ZSP min in sisan piehna nei ahia, sisan petute patawina in,’Good Samaritan Award’ Silver Jubilee Celebration ah pieh doh ahi. Zousalpha Sisan pete ;

1.Mr.Edmund Munluo 2.Mr.M.Hangminlun

3.Mr.Samuel Songate 4.Mr.Letminlal Chongloi

7.Hattuomte Veena :

Unau khat hina leh pankhawmna a omthei semna ding in ZSP/SB palaite’n Shillong Zou Hattuom omte veena a hun bangtah in nei ahizel hi.

8.Education & Statistics :

Zou Sangnaupang 250 val Shillong leh a kimvel ah lekhasim leh zilna tuomtuom sin in om ua, tu kum 2008 sung a final Examition ah 90% in lawchinna nga uhi.

Tualeh, sangtah a lawchinna ngahte ‘Meritorious Award’ Jubilee Celebration ah pieh ahi. Meritorious Award mudingte ahileh;

1.Aaron Muanthang, MSW (1st Div.)

2.Hauniang, MSW (1st Div.)

3.Ngaihoikim, MSW (1st Div.)

4.Lamhauthang, MSW (1st Div.)

5. P.Hangmuanlal, B.Sc.(1st Div) NEHU

6.Khaineilun, +2 (1st Div.), MBOSE

7.Chinbizo, +2 (1st Div.), MBOSE

8.Melody Manlun, +2 (1st Div.), CBSE

9.Ginlianthang, +2 (1st Div.), MBOSE

10.Samuel Taithul, +2 (1st Div.) MBOSE

11.Luonmuanching, 10th (1st Div.), CBSE

12.Chingzalam, 10th (1st Div.), CBSE

13.Monica Nianzahuoi,10th (1st Div),MBOSE

14.Hatngaikim, 10th (1st Div.), MBOSE

15.Stephen Tunlianlal,10th (1st Div.), MBOSE

Tualeh, Pu Thangzabawi, USA a um in ana muolliemsa apaneu Upa (L) Nengzagin theizingna ding in ZSP memberte MBOSE leh NEHU Exam nuoi a Top 10 tan tungzou a umleh Rs. 5000 peding hi.

9.Games & Sports :

Silver Jubilee Sports Meet noptah leh khietla huoitah in September 11,12 &13, 2008 sung Mawshbuit Ground, Shillong ah lawchingtah in bawl ahia, Chief Guest in Hony Capt.Jangkhohau (Opening Ceremony) leh Upa T.Sianchinpau (Closing Ceremony) pang uhi.Ki Taidemna guolzawna tangte ahileh ;

1.Football (Boys) - Hangsai(Papite) 2. Basket Ball(Boys) - Galngam

3.Football(Girls) - Naantal(ARC Nute) 4.Volley Ball (Boys) - Hangsai

5.Women 100m Race -Nu.Nianlamniang( 1st) Nu.Nemneiching( 2nd)

6.Men 100m Race -Tv.Mangsienhau( 1st) Tv.Cyril Mimin(2nd)

7. Arm Wrestling(Boys) –Tv.Joseph Z.Tungnung(1st) Tv.Nechah(2nd)

8.Group Winner(Hangsai Group) – Jubilee Memorial Trophy + Rs.300

Tualeh, tam anuoi a mi kiphalte’n silpieh(Donate) hing bawl ua, amauhte tung ah lungdamna sangpen I buoh uhi.

1.Nu Donhoiniang - Silver Jubilee Memorial Trophy khat

(Ana Muolliemsa apasal (L) Nk.Kamminlun theizingna ding a a tuoh ahi.)

2.Mrs.Baruah - Jersey uniform(Red) set khat

(Ana Muolliemsa apasal (L) Praveen Baruah theizingna ding a a tuoh ahi.)

3.Nu Niangngaikim - Jersey Uniform(Yellow) Set khat

(Ana Muolliemsa apasal (L) Lunkhothang Haokip theizingna ding a a tuoh ahi.)

10.Freshers Meet-cum-Silver Jubilee Celebration :

Kum zatam haibang I ngahla, melmulou sangzatam a liemnua in October 4, 2008 ni in Anton Hall, Laitumkhrah ah anopthei bangpen in zat ahi.Tamnah, Chief Guest Pu G.S.Haupu, Special Contractor, Guest of Honour in Pu Jampau, Manager Indian Gas Agency,Aizawl leh Functional President in Pu T.Khamchinmang, President ZSP GHQ pang uhi. Awards chituomtuom hawmna leh Skit, Dance leh Zogam Lasa siem tamtah in mipite lungtaina ding in zai awi ziahziah uhi.

Tam Silver Jubilee’ Pa (Father) in Pa Kapkhanthang leh Silver Jubilee’ Nu in Nu Niangkhannuom tea hi uhi.

Tualeh, Silver Jubilee Memorial Frame Pu Khupminthang in ang tuoh piehzieh in ama tung ah lungdamthu I puong uhi.Tutung Jubilee Lopna ding in Nu Chinngaivung in ana muolliamsa a sanggampa (L) Chinlamthang min in Bong pumkhat hing tuohpieh man in i lungdamthu i puong uhi.

11.ZSP/SB 2007-2008 Lamkaite

President : Mr.Samuel K.Tungnung

Vice President : Mr. Peter Lianlunthang

General Secretary : Mr.S.Joel Lianmang

Joint Secretary : Edmund Munluo

Finance Secretary : Ms. L.Lamboi

Treasurer : Ms.Nemneiching

Games and Sports : Mr.Siampu Manlun & Mr.Seiminlal

Music Secretary : Mr.Haulunmang

Moral & Religion : Ms.Manhoilam

Edn. & Statistics : Mr.Ginsuonkhup & Mr.Benzy Jangminlian

Arts and Culture : Mr. Cyril Mimin & Ms.Kim Lydia

Information & Publicity : Mr.Khupmuonlian & Khaikholian

Volunteer Commander :Mr. Joseph Z.Tungnung & Mr. Jangminlal

Co-Ordinator : S.Thangboi

Advisors : Upa Haulam & Upa Doukholun

Silver Jubilee Organising Committee

1.Pa Haukhanpau 2.Rev.Kamminthang

3.Pa Kapzalam 4.Pa Peter

5.Nu Lhainei 6.Nu Manpi

7.Nu Dimkhannien 8.Pa Aaron Muanthang

Souvenir Board

1.S. Thangboi (Editor) 2.Nu Jenny Khawlneihnieng( Joint Editor)

3.Pu Johny Lalbiaklian 4.Rev.Kamminthang

5.Pa Aaron Muanthang 6.Pu Khupmuonpau

7.Pu Peter Lianlunthang 8.Pa George Munluo

9.Nh.Hauniang 10.Nh.Niangcha

11.Nh.Ngaikim

ZSP SB LAMKAI THATE (2008-09)

President: S. Thangboi Zou

Vice President: Vunghauniang

General Secretary: James Thangbawi

Jt. Secretary: Siampu Manlun

Fin/Treasurer: Zolinda

Co-ordiantor: P. Daiminthang

A tawpna ding ah, Migam mi leitang a siemzil leh nasem ihilai in, mite omdan leh mite ham chauh zilding hilou a, ei ham leh I omdante mite zong zilsah ding poimaw hi. I nam I gam leh I chi kembit nang leh kei ihi ua, hattuom in kikhen nanlei krist leh tahsa ah unau khat ihina uh ZSP ah tuibang gawm in, mite leh Zogam lamte etton tah hi ding in hanlung chiemlei… singdang englou in pahbang I lunding uh.

Kipah ing…

Pasian in ZSP/SB mapui in damsawt ta he

JOEL LIANMANG

General Secretary(2007-08)

ZSP Shillong Branch